JANTOKIA

Zerbitzuaren kostu osoa 9 ordainketatan fakturatuko da ikasturtean zehar, lehenengoa urriaren 1ean eta azkena ekainaren 1ean. Ordainketa guztiak kopuru berekoak izango dira, salbu eta jantokiko arduradunari adierazten bazaio ordainketa bakoitzean aurreko hilabeteari dagokiona ordaindu nahi dela. Kasu horretan, ekainaren 1eko azken ordainketan maiatza eta ekaina batera fakturatuko dira.

Ordainketa egiteko, erabiltzaile guztiek edozein banketxetako kontu-zenbaki bat aurkeztu beharko dute. Banketxeak itzulitako ordaindu gabeko ordainagiriak eskudirutan ordaindu beharko dira ikastetxeko idazkaritzan. Kasu horretan, itzulketak eragindako kostuak gehituko dira. Kuotak behin eta berriz ordaintzen ez badira, automatikoki galduko da jantokiko plaza. Era berean, bi ordainagiri baino gehiago itzultzeak neurri bera ekarriko luke.

Jantokiko kuotaren zati bat itzuliko da honako kasu hauetan:

a) Ikasle-talde bat jantokira joaten ez denean aldez aurretik programatutako eta onartutako jarduera osagarrietan parte hartzeagatik.

b) Jankidea jantokian astebete edo gehiago jarraian ez dagoenean, betiere jantokiko arduradunari gutxienez 48 ordu lehenago jakinarazten bazaio.

Bi kasu horietan itzuli beharreko zenbatekoa kasu bakoitzean ordaindu beharreko kuotaren % 50 izango da. Kobratutako kuotak itzultzeko, dagokion deskontua egingo da hurrengo hilabeteko kuotan. Ikasleak Hezkuntza, Unibertsitate eta Ikerketa Sailaren jantokiko beka jasotzen badu, ez da inolako itzulketarik egingo.